Đura ima štiri ręde goric pod Mohokosom. Grózdje je lépo. Mogel bi brati prék tristo litri.
Na Malo Mešo so se pre Đuri zišli, Pepi, Drago i Fęri. Đura je ofnal respravo:
” – Dečki, gorice se lépo kâžejo! Rodno! Ludi velijo da bo se letos kesno brâlo! – Jâââ naj čakal! – More se dogoditi, Bóg nędaj – toča! More početi giliti! More se početi sušiti! – More vudriti plesnivóča, pa vino nav valalo! – Kaj vi velite?”
Pepi,Drago i Fęri so rękli:
“- Pa sigorno! Tre pobr’ati! – Čé bo kiseleše, se déne cukor! F podromo je – najsigorn’eše!
Đure je rękel: “- I jâ vel’im! – Da je f podromo, te je na sigornomo! – F tork bęremo i – šlus!”
F tork so išli brât.
Žénske so se pobrigale za jestvino. Dečki za pijačo i – gorice so se do pólneva pobrale! Preslavili so – kak to običaji nalâžejo! Nabrali so skorom štiristo kil!
Po obebdo so gveštrali, prešali i pospravili v dvâ lagv’iče. Žmeknoli so kóli tristo litri. Cukora je melo skorom prék dęset. Zrečunali so ka bo tre kupiti tridęstišest kil cukora.
Žénske so kóštale mošta: bil je fiiini, slatkiii, dišeči!
Drugi dén so dedi išli v gorice apcigovat. I onda cukora.
– Đura je dečkaj postihoma rękel:
“- Dečki, kaj vam se ne vidi ka je to … dosta malo …! Kaj čé bi deli kcój malo vęč cukora … pa malo vęč žvęple … pa te, čé bo tre, neka vode …?”
– Dečki so mo rękli: “- Pa normalno!”
Restopili so vo vodi čętrdesetpet kil cukora. Zméšali vu vodi. Vléjali nutri. Pa malo žvęple.
– Malo jim je zgledalo preslatko! – Dolj’ali so kcój išče malo vode … pa malo žvęple. – Pa cukora. – Pa, išče čista malo vode. I dropto žvęple … – I tak dvâpot …
Za tri dni so se pelali v gorice glet kak – puni lagvi mošteka vrijo!
Poglednejo vrelnice: néga mehuri! – Preslónijo vuho na lagev – nika ne šóšja, ne brburi!
Dečki so zrękli: “- Néje dosta toplo – i zâto neče vreti! Treba f podromo zakuriti! Dišli so po drva i pajdóč so žęnaj nęsli mošta za próbo. Žęne so rękle: ” – Deš’ii! – Slatko!! – Fiino!”
Zdóma so dopęlali gašpara, kórpo drv i zakurili. Kurili so i greli do pol noči. Néje zevrelo!
I znova so žęnaj pęlali dimo próbo (oni su v goricaj pili neka drugo, a né friškoga mošta).
Žęne so rękle: “Lépo deš’i! – I fino je!”
I drugi dén so išli sponova kurit. – I zutradén znova. – F soboto róm tak… I za dvâ dni – pâk!
Žęnaj so dimo donęsli próbo. Próbale so! – Rękle so: “- Dobro! – I dobro duho ima!”
Prékfčęra i fčęra je Đura s Pepijom bil v goricaj! – Hodili so kurit!
Fęri i Drago so – né meli časa iti. – Mošt je išče né zevrel!
Pepi je Đuri rękel: “- Đura, kaj misliš, da bo se toti mošt prevrgel vo vino?”
Đura mo očita lekcijo: “- Vrę bo se prevrgel! – Kam ti je sila?! – Kaj pa da bi, Bóg nędaj, vudrila toča?! – Ili da bi zgililo!? – Ili da bi se suš’ilo?! – Ili da bi splesnivilo?!
– Važno je ka je f podromo, jer da je tu, te je na sigurnim!”
Nęsli so žęnama dimo próbo. Žęne so kóštale:
– Né so mogle pogutnoti! – Zahliknolo jih je! – Nad’ulo jih je! – Zafrknole so s čobaj i rękle:
“… Vęč je vę né tak fino! – I né se je prevrglo v mošt, nego v nekaj … naj rade rekle – f kaj! I ne deš’i več … Zaprav … dehne … bole kak … naj rade rękle – na kaj dehne …!
