Jesénski déšč se zléjal kak z kabla. Curelo je céli dén – kaj za péneze, do večer’i. Zvéčera Sida napne vuho i posluša … Negder čvapka! … Premâče! Negder cur’i! Otpre prvo hižo … Je kapa! – Čvapka ober ormâra! I to ober onoga ormâra dé ona ima svoje najmiliše oprave, dé ima sprâvlene svetęšje robače! Čvapka na ormâr … a črez reške na res’ušenim ormâro i – po jénim najfinišim obleč’alima! Odma je só obleč’ijav cuknola vum z ormâra i gori na ormâr déla lavóra, ka nav čvapkalo po jénim cójkima! F sili je kričala:

“- Đura, bejži odma na nájže! Idi glet dé to krov pušča! – Najdi, dé krov premâče! Onda idi gori na krov i zad’elaj lukjo! Drugač bo mi – sę kaj imam v ormâro, vništeno! Žuri se!”

Đura se pret’egel na kaočo, pa ji je rękel – da mo je né vóla iti, “- Ka bom na nâjžaj vę – da se nič ne vidi?! Gori némamo svetlo! I pokaj bi se vę vu ti kmici vlekel na krov?! – Ka pâdnem, pa si potęrrem čónto?!? – Nę ponorévli zaradi téh pâr robâčki!? – Déni na ormâr škafa i naj čvapka nutri! Da déšč mine, onda bomo vidli – kaj tre napr’aviti, čé opče kaj treba!”

Đura se obrnol nazâj g televizoro i dale je gledal svojo serijo.

Sida je dišla na nâjže z baterijom i neka roštâjila. Dugo je roštâjila. Da je dojšla doli Đura jo je pital koga-vero je gori trla i roštâjila! Rerkla mo je da je najšla dé so dvâ črépi potrti, da črez lukjo na krovo, tęče na nâjže kak z pipe i da je naložila stâroga žléba – ka vę tota voda tęče, prti róbo nâjži i kre zida tęče doli! Đura ji je rękel: “- No, si vidla? Opče si né mórala ponorévati i nési me mórala – enkomodérati za takše bedastóče dok gled’im serijo!”

Déšč je curel célo bógo nóč.

Zutra v jutro, zarón, da so se zbod’ili, Sida je išla kontrolérat – kak funkcionérajo jéni odvodi na nâjžaj. Previžitérala je hižo od gori do doli i – legla se je nazâj f postelo, spât.

Đura jó je pital: “- Čuj, gospođa vodoinštalat’erka, kak ti funkcijonéra nâjžova kanalizacija?”

Sida se obrnola na drugo stráno i mirno mo je i poč’asno prepovédala:

“- Vredo je. Voda s krova cur’i v žléb i po žlébo se mirno zlévle do krâja nâjži i tam tęče vum i kre zida doli. Na ormâr več ne čvapla. F škaf ga ga palo sęga – za liter vode. Vredo je.

– Jedino je f podromo voda.”

Đura je skočil: “- Kaaaj?! – F podromo je voda?! – Pa tam je mój lagef ze friškim brajdâšom, z friškim moštom šteroga stopram móram pretoč’iti! – Kaj je to vréme ponor’elo? – Dęj mi flętno hlače … čižme … rekleca! To je zló!”

Sida mo je, obrjena na druigo stráno rekla: “- Z čižmaj si naš nika pom’ogel, jer ga ga f podromo vode vęč kak jęn meter. Lagev se ne vidi vum z vode, a ronilačko uniformo, kulko jâ znâm, ti nemaš.”

Đura je kričal: “- Naj se zafrkâvati! – Kaj si ponoréla?! – Podroma tre spasiti! – Moram to zbaviti! … Meter vode … to je né tak puno … čé treba znám i plavati … čé treba znám i roniti! – To je elementarna nepogoda! – Zovi pómoč, Pepija, Dragija… Zovi vatrogasce, vojsko…!”

(Jâ)