Na póto z Prvoga Pretetinca v Drugo so pot’egli nóvoga asfalta. Napravili so i široke steze za bicikline ka se dvâ biciklini s culekima na krmóno, morejo komótno rez’iti. Lépo.

Cesta je itak malo prevóska. Teško se rezidejo dvâ auti čé je jęden malo širiši. A stopram dvâ autobusi!? Ili kamijóni!?

Dobro je ka f Hraščici maš’ina več ne mlâti snópje, kak je to predi bilo. Jer né znati kak bi se vę rezišli dvâ vozi snópja ili slame, da bi se zišli vuti vulici!?

Dobro je ka ga f Pretetinco več né pilane. Jer, kak bi se tu rezišli dvâ vozi s pilovinom ili s švarklinima!?

Dobro je i ka nišči ne vozi šibje z Ladičovoga brega, jer se dvâ vozi šibja takâj tak, nikak naj mogli reziti.

Dobro je ka so ludi zapust’ili sénok’óše, jer se dvâ vozi séna nâti cesti naj mogli rez’iti.

Dobro je ka ga ga né néti jęnoga peradarnika, ili čęsa takšega, jer se dvâ šleperi nakl’ajeni z piščancima naj mogli reziti.

Dobro je ka su vuti vulici zaprli krčmo, jer bi se dvâ malo vesel’eši šoferi, steška rezišli ka se naj štrajfali. Ili né! Né se je zaprla? … Kaj, otprta je znova? … Bormeš je! Uuu, te bo vrâk! (Jâ)

 

Povratak na naslovnicu…