…ooo da… storo leto!!!… to je to, to je ono… mljeveno meso je več zamešeno za sarmo… letim z beciklinom k punici po zelje, z doma si zemem najvekšo rajnglo kam bo mi nagrabila!!…frčem sarmice i složem ih kak deco f školi f rajnglo… polek mene je kila špeka narezanoga za f sarmo deti… kak frčem, tak si ščuknem tu i tam štero kockico špekeca (ka koštam jeli je dober)… očem narihtati za kuhat, da bi nej moj zakoniti obnorev i hapiv se zijati da to nutri nem kuhala, jer bo veli on hiža tri dni po kiselomo zejo duho mela… i praf ima… narihta mi f garaži plamenika i nek deši cela vulica… nej se zno da se na Marofo Frošćanskomo kuha sarma!!!
Nika drugo ne kuhamo na storo leto, šparamo se za navečer gdaj se pri naši hiži ekipa za očepit zide… tak imamo dospomenuto, saki neka donese i tak si najmenšega stroška naprovimo… si se za to prigodo, makar smo i doma malo zriftamo…jo na sebe navlečem se stezno sam ka bom čim drobniše zgledala….stezne gače do pod cecko, stezne štrample za seemset kuni, stezni grudnjak, i prek toga sega nategnem steznoga bodija šteri je tak drogi ka ga već tri mesece spločam….komaj dišem, al sam si šlank!!! Sačuvaj Bože scot iti, pa ki bo me vrog raskapčiv!!! …uglavnom, i se to stezno popusti potli večerje, al ne bitno, bitno da sem na prvu bor sej bila šlank!!! …tulko preprovlaja, a se tak fletno mine…prefletno!!!
No sikak, obavezno se po novi leti sprovlam na drastične djete… fčera (zodji den f stori leti) sem si nej mislila na nikakove djete, em sem se stezno na sej mela… a i teško bi mi bilo zračunati štera mje to djeta letos, pa najbole z novim letom znova genuti… se si mislim, saki den bom se išla špancerat kvečeru ze sosedom, pa malo stračati kak što ima okinčeno i tobož friškoga zroka malo ka se nadišem (već deveto leto ide kak smo sosedi, al ne španceramo se)…te je prezima, onda je megla, pa jugo vleče, a če je i centimeter snega jo nosa vum z toploga ne rivlem… i već za por dni zobim da sem se štela špancerati!!!
….nem jela kruha (jedino če bom)…i kaj pa, evo punice z beciklinom k nam i f cekaro vu foliju zamotani jošče topli klipiči….no i kaj? …nam si zela?? Nebreš si puničino ne zeti… bo joj nos opav …zemem si, i ftek žvačem i usput onak mrčim…“mmmm… baš su vam fini, plifki su vam nekak… stvarno so vam super uspeli“ …moraš foliti ka bo i drogoč donesla!! I prepodne i res f novi leti de sam rekla da nam kruha jela (punica je kriva, nebi jo, al kaj bom pa)…
…sejeno si mislim pa f teretano bi mogla, z pajdašicom… dogovorjamo se na dočeko, onak z jedno cjelo alkohola vu sebi, seeee se dogovorimo…..idemo? idemo! …već vjutro ona pozobi, a i jo bi najroj ka bi pozobila… nekak mi se najempot čudaj vidi dati dvjesto kuni za članarino, gdaj ionak nemam već niti dinara jer me dvanajsti mesec čistam oguliv!!! Dvjesto kuni? Pa nit je ne do penez tak, ak bi rono štela, negdi bi zmogla, al nemam si kaj bleči… pa nebrem kakova gut dojti… trelo bi si i noge postrugati od zimskoga sna… i se to dok denem na kup, si premislim!!! …dok si kupim patike i trenerko i dok zmršavim najmeje petnojst kil, te bom išla, jer sam ve pre debela!!!
…teške i dubokoumene so to odločitve, al sako leto primeni isto… se si mislim „Bom“ i onda nazodje „tobož nojdem zgovora“…. Eee da, francuska!!! Nebum več!! Nebum…to je masno, to je puj, puj, puj… od toga mi se dela francuski celulit po riti i nogami!!! al hebaj ga da pak je tak neodoljivo fino!!! Grabim žlicom direkt z rajngle, ionak imam celulita, ionak sam debela… kaj ve te pa od dve tri žlice mi nika na!!!… tak i ta odluka baš nikaj ne urodi plodom (samo kilom)…
… cigaretlinof sam se stavila radi zdrovja, a i nesam bila pušoč šteri si kupuvle svoje, finiši su mi bili ovi „ doš mi jenoga, pozobla sam si kupiti“… ili „dej mi jenoga, vrnem ti“… verjem da ga jega pušoči šteri bi se rado stavili, pa morti evo prilika, ve po novi leti… sam nejte biti kak jo, stavite se pušeja, ne kupuvaja cigaretlinof!!!
…već gdaj minejo tri kroli, zobim na se kaj sam si mislila f novi leti premeniti i derem po storomo!!! Imam stezne gače, štrample i bodija kojega još moram do vuzma spločati!! Nem ve mršavila, ka bom pa te zotimi steznimi rekviziti! Drugo leto!!!
…drogi moji vi drobni i vi deblejši… znom da vas se bo čudaj našlo vu mojaj odlukaj, i da vas ga čudaj takovih kak jo, ka nasezodje nika s toga ne naprovijo… al pa kaj… sam jempot se živi… nej nam bo bor to malo ka smo na zemlici, lepo i fino… sam ječte i pite, kaj nej na on svet lačni dišli, kapa nej ga tam nej puničinih klipiči i francuske? …zoto, ječte i pite kak da vam je saki den novo leto(zodje)!!!
…srečno novo leto simaj i sakomo …sako dobro nej vam je!!! vaša NPŽKŠ!!
