Je morti to vaš mâček?

Đurin stareši vnuk Jožek je dojšel nutri i veli Đuri: “- Deda na dvoro lež’i crkjeni sivi mâček!”

Đura vel’i: ” – Jeee? – Nęznam Jožek! – To je valda né naš!

Jožek vel’i: – I męni se vidi ka je né naš! – Ja sam pred jęno menóto pręjšel tod i – né ga ga bilo na toti mesti! A vę je najęmpot tu! – Męni se vidi da je k nam, od nekod – dolętel!”

Đura vel’i: “- Nęznam! – Znâš kaj – mi s’i sósedi imamo – skorom jednâke, sive mâčke, šteri hodijo vót kóli i nišči praf nęzna čiji je šteri. Valda je né durnol róm naš!? – Mislim ka je to od sóseda Fęrija, jer męj se vidi ka oni nastâvlajo otrova za miše, pa … te bi to bilo zâto…! – Čuj Jožek, idi vum, primi ga za rep i hiti ga prék ograde k sósedo Fęrijo, ka nišči nav videl, jer to je sigurno jiv mâček!”

Jožek je tak napravil.

Za jęno vuro, sósed Feri zakrči Đuri prék ograde:

“- Đura, na mojemo dvoro je crkjeni nekši sivi mâček! – Nęznam čiji je i nęznam kak je dospel k męj na moj dvór! – Mój je né, jer mi takšoga mâčka némamo! – Naš je takâj sivi, ali pod deśnom capom ima svetlo štrafo! – Ja si mislim ka je to tvój! – Dójdi si ga glet i odnęsi!”

Đura mo vel’i: “- Neee, Fęri! – To je né mój mâček. – Jâ svojega poznam! – Naš ima na prvi lévi nogi svetloga fleka i jęno vuho mo je znutra bole črno! – Nęznam čiji bi bil! – Morti je od sóseda Pepija – prék póta! Męj se vidi da je jęgov rom takši…!

Drago móm zapita Đuro: “- A kak ti znâš kakši je toti crkjeni mâček pre meni na dvoro i kakše štrafe ima a kakše néma, da si ga né videl?!

Đura mo zmónda: “- …Pa znám … pa ti si mi vę povédal kakši je, a … si mâčki okóli so sivi!”

Dobro. Fęri je rekel ka bo odnęsel mâčka – prék póta, k sósedo Pepijo…

Pred Vęčer se je Jožek igral f kuružjâko.

V jęn hip dobež’i nutri, zazove dedo Đurija, pa mo vel’i:

“- Deda, igral sam se f kuružjâko i … gledim … nešči je pâk hitil k nam, prek ograde, crkjenoga sivoga mâčka. – I to onoga od fčęra! – Ali je né dolętel od sóseda Fęrija kam sam ga jâ v jutro hitil, néti od sóseda Pepija, kam ga je sósed Fęri odnęsel, nego je vę dolętel z druge strâne, od sóseda Dragija!!