…ga negda nej bilo teh sih črčkariji za pokupuvati f štacunaj za maškore, ga nega nit tuliko štacunof bilo… Trgocentar i Vama sam… ga nega bilo špari, todoriči, kauflandi, kitroji, a još meje lidli… ve pak denes dobim letke f ogrojo zatekjene i drugo ne leče vum zotih letki kak ancugi za maškore…
… moreš kupiti od prostoga kajboja i sevremenske veštice, do donalda trampa, anonimusi, onga zlikafca z zvjezdani stazi… no istina bog, da moraš neka malo i penez meti… recimo tramp je dražiši od kajboja, zakaj? Vrog bi ga znav…
… negda smo si bili kajboji, indijanci, ciganice… i nika se ne moralo kupiti, se je bilo od doma… robec na glovo, široki cifrasti šos i okrogli ringlini, i malo me moja Štefica nakalamajzala z dve šminke štere su se joj po kištici f kupaoni kuturale i to je to… bratić indijanec… mej se vidlo da je jegovo vredniše od mojega, al i jegovo je rom tak bilo od doma… pruslek i od nedelne rugane čučike kaj je baka za obed zaklola, perot z riti na glovo ftekjena… i tak smo on indijanec i jo ciganica išli zbaviti f školo te nekakove povorke štere su ionak sam naši zdoma došli glet, ono baka, mama, deda, soseda… fletno smo se žurili, nej bi čim prije dimo išli, jer smo nakonili koli hiž hodit plesat za maškore…
… “matuzalem, matuzalem, debela repa, masno zelje…“ …jezoš kak nas je to veselilo… mom po školi smo se hapili, prvo k bakaj, jer tam se največ skaseralo, te pa dale po vulici k saki hiži… sam negda je i konkurencija bila, so i drugi hodili od hiže do hiže, zoto smo se mi naveke požurili ka smo med prvaj bili, dok su ljudi još peneze meli…
… nika je ne nam na zodef bilo, nit pesi šteri so lajali kak nemoki, nit zaklejene ogroje, i išče smo saki pot dvo pot pozvonili, kaj nej bilo da nam nečejo otprti, a i toga je bilo… očem vam reči, kak smo mi to faj hodili, lepo se dolo zaslužiti, f čuda mesti su nam ne meli dinara za dati, pa su nam fojke rivali, a to je mom išlo f zapisnik i drugo leto smo k te hiži nit nej išli… em, pa što je želen fojka? Peneze dej! …toti šteri je fojka nudiv, a ne peneze je mom išav na črno listo i ogovorjali smo ga još pet hiž dale! …tam de smo mislili ka bomo največ naplesali, de su bili debeli auti sparkerani, i svetešje hiže, tam su bili fojki, il so nam nit ne šteli otklenuti… a pre starišimi ljudmi, je naveke dinar opav i išče smo i cukore petsto pet ili bronhije dobili… a to je i denes tak, već bo dov on šteri nema, neg on šteri ima…
… pomalem se počela kasa puniti… se smo obično skup metali, pa te navečer smo bratski, sakomo pol podelili! …već se i skmičilo, i teta je z ponekom (f ono vreme najvredniši beciklin, kak denes nakamura) išla f potrago, de smo pre vrogo ka nas dimo najuri, a mi smo se koma zalaufali, taman smo počeli dobro služiti… krečim jo teti “evo teta još sam por hiži, ka završimo vulico“… ova je već bila hmoja, al pustila nas je… kakovo dimo, pa još je k glovnomo financ meštro vo vulici trelo iti… tam se naveke dobro zaslužilo… Cekin i stori Kračun so bili kak đek pot… tam se naveke faj zaslužilo, i nikše fojke so nam ne rivali, neg konkretnoga i debeloga dinara… fojke smo si ionak sam zoto zeli, ka nej ljudmi žal bilo, a potli smo f jorek hitili… penez je nas veseliv (kak i sako normalno i zdravo dete) … dok smo opelješili Kračuna i Cekina, je to bilo provo narodno veselje… celoga pota do doma smo se spominali, kak su dobro flučnuli…
… doma je bila delidba, sakomo pol… penez sam mela već kak je japa celi tjeden z kolin znav zaslužiti… to su bili dnevi… a ne ve, ve si prepravim drobne če dojdo deca plesat, al nit vrog ne dojde, imam naveke i fojke (haha)… pa najbole da bi kre ceste stola, pa te če bi šteri mimo išo kaj mu sam pošturnola, jer ionak ne znaju matuzalema deca plesati… al če bi kre ceste stola, kak sem jo z Frošćana doma, bi morala paziti na prove naše maškore z trnofci… kaj nej krivomo maškoro peneza dola…
… nega denes toga, se je na fejzbuko… poslikaš deco kak so maškori i skuplaš lajke, a ne peneze… preveč sega deca denes imajo, nedo se meli kaj spominati gdaj bojo malo starejši… kaj bi jo ve pisala da ga toga sega nej bilo?… tak kaj sem čistam vesela ka sem se narodila za vreme dok te je neka f životo išče veselilo!… nafčite deco popevati, pošlite jih bor k prvaj sosedaj, bo se ljudima faj vidlo!
„matuzalem, matuzalem, debela repa
masno zelje, dugi len, dugi len…
Majčica me poslala, u dučan po divku
Ja sam se zabunila kupila sam šminku…
grmi, sjeva, na kišu se sprema,
a ciganke varošanke još iz sela nema!!“
TAK SMO MI POPEVALI, A VI?
…lepo vas pozdrovla maškor ciganica z dupličnom brodom z frošćana, Vaša NPŽKŠ!!
