…neznam, jo si tak nekak mislim, kak gut malo, kak gut, al dok si betežen si betežen! Fascinejra me gdaj dojdeš doktoro pa se žališ ovo me boli, ono me boli, a ovaj ti veli nazoj „pa tak mlodi, pa vas se boli“, a kaj bogte sam stori su slobono betežni? Je bogme tak zgledi zodje vreme, če si penzjoner (bez zamere penzjoneraj šteri me čitaju i ne čitaju) onda je ne problem, onda si slobono betežen…
…najmeje osem uputnici mom dobiš za se žive pretrage, a ovi ki so mlodi, ili se zovejo mlodaj i još kcoj na posel hodiju, taj „čajeka, limuna, puno tekućine, lupuceta i delat jer bolovanje se ne dovle, em je to nej godišnji!!!“ Najmeje se moraš po četirje vleči, loziti po zidaj, omedlevati, buncati bor na dvo strane jezike za štere nit neznaš da ih znoš, biti nekakove nedorečene forbe vu faci ka ak imaš dvajst, trdest let moreš biti betežen, al i onda te dojdo z firme glet, jeli si betežen il simuleraš!!!
Znači za sako sigurnost bi morav doma f piđami i šlafurgo ležati i kre sebe meti sparkerano se kaj ima veze z betegima, čajeka (ne mrzloga, stolno mora topli biti), ili prežgonoga cukora (ak si prehlajeni i gut te boli), toplimer mora biti i ov prosti i digitalni kre postele i stolno mora biti bor na tresosem, hiža bez takomjera je nej hiža, tak da i to ide pod „mast hev kre postele“, andoli, lupoceti – bez toga nika, lineksi u slučaju da te dihtungi pre riti zajebovaju…
…bilo bi dobro da f tom slučaju ješ prežgonu juhu, al pošto si betežen, nemaš kaj loziti po kuhji… mož/žena bi nej bili doma poradi vas jer ak ste betežni nebrete si somi niti čaja skuhati a kamoli prežgonoga cukora il prežgono juho, jer ak morete hodati od šporhota do postele onda ste i nej tak betežn, mortik bi ipak mogli na posel… nažalost tak je to vu ovom našemo opačenomo društvo!!! Same delati i delati… slučajno ne biti betežen!!!
Imaš proleva? Em pa je to ne beteg!!! Moreš delat!!! Slobono ideš dvo pot srat dok delaš, će ideš tri pot već te krivo i koso pogledovlejo, obročajo z belojkima i šepčejo sebi f brodo „ka pa ova/of sprešetova tulko koli zahodof“… mort bi bilo dobro na oglasno pločo vu firmi nastaviti čitabo „naša radnica ili radnik imenom i prezimenom plus godište ima proljef i više puta bude posjetila wc, pa vas molim za faking razumjevanje“!!! al tak je to nekak!!!
Verjem da vas ga dost s takovimi težavami… simaj so nam treba penezi, em pa ne hodimo na posel jer nam je strahovitno šef pre srcu, il zoto kaj je vu firmi lepo toplo il pa imaju lepe zahode… si smo tam zaradi penez… ideš ka si zaslužiš svojimi rokami ono kaj znoš delati! Al bogte, če si betežen – si betežen, ostoneš doma i ideš k doktoro…
… ak imaš srečo te doktor pošle na nekakove pretrage, i onda se blečeš i ideš f grod ka si to zbaviš i kak ftruc se zideš z bor s tri najbole tračlive žene s firme, a ti f košuli, počesani, mort išče imaš i malo višejše pete bute, ufff, a tobož betežen… vu takvim slučajima moraš po grodo hodati f piđami, šlafurgo i pufaste papuče natekoče vleči na nogaj, i najmeje toplimera meti stolno pod pazduhom i nikakove frizure ili počesani biti… bor tri antene ti morajo s prve strojke f zrok stoti, a zodje strojke vam frizura mora zgledati kak da vas je što tri dni z lopatom po isti mesti tukev (sindrom zaležane glove)!!!
…najsegurniše ti je biti vu bolnici, je onda si najbrž itak betežen! A i to je nej sigurno, pa bi se morav poslikati selfi ščopom i objaviti na sim društvenim mrežama, i pre tomu se moraš joko betežno na sliki napraviti, obavezno se mora videti infuzija kak ti teče!!! Neje to mala stvor,velim vam…
…lepo vas pozdrovla vaša NPŽKŠ, ovi pot ne ze svoje fotelje Frošćano, neg z bolnice za plučne bolesti Jordanovac ZG!
