Veliju, f korizmi se tre nečesa odreči…. Čega?… em pa si već nit nika nebreš vutoj lepoj našoj prevoščiti. Se drogo kak da je od zlota… ideš f štacun, sto kuni sam tak ti pre kasi zaračuna, a vum neseš f onoj jenoj socjalnoj vrečki tri stvori, i kruha pod pazduhom….
Ne znam, jo sem mišleja da se je ničesa nej tre odreči od jestvine… ono, slatko nebom jev, pa nem piv, pa kruha…. em pa je nej moči tak… ionak si već nit nika ne prevoščim, gdaj pa je se drogo….
Banane sam kupuvlem gdaj su več črne i gvecave, jer sam onda si jih morem prevoščiti, jer ovače koštajo dvanojst kuni po kili… pa kaj ti je kila gdaj imaš dvoje dece…. naveke gledim akcije… ali največ kupuvlem z oni sanduki de je rok trajanja pre kraju, jer jedino to si moreš kupiti….
Kruha več na leta kupuvem „socijalnoga“ (to je on do pet kuni ka košta)…. kuruzni i raženi sam negda gdaj se s kakovi penezi malo vekši zidem…. Mleko?… eeee to je več drugi por šolci… pa bogte košta ovo naše z varaždina (z bregof) po sedem osem kuni…. em nej reči, osem kuni? Pa kaj krava ima zlotno vime?…. jo toto ne kupuvlem, samo „uj akcijo“ jemlem…. negda zno biti i sniženo poradi krotkoga roka, pa odma poharačkam tri flaše…. I onda ne spijemo i flaša mi na visečomo grdenco navečer gdaj jo tursko serijo gledim, i najbole je napeto, EKSPLODERA….. i gleč vek kak sam z litra sranje zide….. jogurt, jerbo se skvorilo, je po celoj kuhji…. i zgledi kak da je pet litri eksploderalo, a ne liter…. se smrdi po sedenome….
Eh!… negda ti dojde, ka ne ftegneš skuhati, pa te f štacuno prosim ka mi nekakovo salamo nažvajgla, pa langoše zasuknem kcoj… pa te gledim f zadrogi te salame…. pa nej mi reči da more salama biti za devetnojst kuni… planinska veli teta… ne zgledi bedasto, al pa od čega je? Ga jega duhe po mesi? Ili su sami emulgatori nutri?… “dobro“, velim jo… “dej mi pol kile!“……. Uglavnom, spuhovle se mi po totoj od pondelka do srede, te mi stopram čreva predelaju….
Gledim negda tote paštete (PA ŠTETA JE BACIT) … ak je škoda fkraj hititi, pa zaka onda košta sedem kuni? PaŠTETA? Sedem kuni?…. i to paŠTETA za jeno osobo…. prinas se nas štiri k stolo sedne…. i sakomo jena je nit nej dosta…. tak da takove ne kupuvlem, nek one ka su po tri kune…. em je vekša, em ima duho po paŠTETI….. malo je trdiša, za povoziti s kruhom, al za silo je vredo!…
Koga još bi se mogli odreči? Slatko?…. to isto ionak kupim sam dok je kak sem več rekla „uj akcijo“…. S krašovi napolitanki se sam sproši gdaj jih kupim, tak smo jih želni…. ove kauflandove Katy ili kak se već zoveju, su sama mela…. stojiju več f grednco od novoga leta… sipala sam on den peso… bogme se i on fkrej brnov…. neje niti on hrmok….
Milka čokoloda, po tredesti tri kune? Ona vekša… em nej noreti…. deset deki je sam folije i kartona vukaj je zamotano…. Jee, al svizac jo je zamotav, pa zoto valda ima ceno! Svizcu isto tre platiti….. najbolša mje z lešjakaj, makar lešjake ne jem…. imam slabe zobe… jo sam pocmulim čokolodo, lešjake na stron devlem, pa te f koloče zažorim….. no, ka nej mislili da kupuvlem jo to…. kaj bi nej! To če što dojde, pa donese…. tak ka se čokolodi i slatkovja nebrem odreči, jerbo ne kupuvlem, a drugo retko da što kaj donese (neje da štečim,al…) … negda punica i moja Štefica znoju deci donesti, al one isto glediju ka bo fal, pa te z čokolode hrmok zide… cmuliš, cmuliš, a sam se neče rastaliti… sami margarin….…. mislite si ve, ova sam na rit misli…. a kaj bom pa?…. moraš jesti….
Sem si zaželela ve nešterno nedelo govedino s hrenom…. sem dletela f čakovec ka kupim…. reskerala sem… kilo i pol sem zela, sam malo za želo…. Al, pa kaj ti je kilo i pol? Gdaj se skuha je malo več kak pesnica zišlo vum z rajngle…. tulko to kaj je juha duho po govedini mela…. a veli moj pajdoš Kazo da prijim f Kameruno slon ima teka po našoj govedini, al veli on i da se jihof slon ne skrči gdaj se skuha, neg se napuhne kak spužva….. hmmm, a da počnemo uvoziti slone? … več vidim natpise f štacuno…“sušena surla 89,99“…. “slonof rep za f hladnetino 59,99“….. a but il pa vratovina 215,99…. jerbo kupiš kilo, a napuhne se ti na dve kile…
Eh, hrvoti!…. govedina, znači sam za želo, i za svetke, i to ne ka bi se najav, nek sam tulko ka juha deši!…. nejsem skoporitjak, kupim negda i dok je nej na „uj akcijo“, al to su retki momenti… bole tak dok se očem skozati, znači če strajnski dojdu i tak…. za nas domoče je i ovo dobro…. Pijača? … slabo konzumejram zodje vreme… tu i tam si malo obleznem, za zdrovje, za krf, za želodec, za tlak, preventivno onak bole…. tak ka se mi to isto ne sploča odrekati!
Tak vam se jo joko ničesa ne odričem od jedače i pijače, škoda je, jer ionak se našparovna kupuvlem… jo sem se roj odrekla srdeja, i napuhovaja…. složila sem si tak vu glovi, da me nika i nišče nebre razje**ti…. Sem ono se kaj sem zodji pot napisala…. al dobro, nemo ve semo falingo iskali, tak je kak je..…
…lepo vas pozdrovla Vaša Ne prekidaj ženu kad šuti z Frošćana!
