Bloka oprem, vum pogl’ednem, ki se to vera dęre! Po vulici se pęlal kamijónček. Béli. Nad zvučnik nekši zija: “… Stare tilivizore, vešmašine, kompjutore, frižidere, aparate … samo mahnite i mi …”
Odma sam se zmislil da se v našemo podromo, več dvé leti mota véšmašina za hititi fkręj.
Mâhnem! Nekši potk’ajeni dečkérec i išče jęden skósmani, dojšli so … tpęlel sam jih f podrom, zdigli so véšmašino f tâčke, naklâli na kamijónček i – adijo!
Dojšla je Mar’iča z vrčâka i pita me, “- Kaj so toti hlapi hodili s tobom f podrom!? Morti pit?”
“- Neee! Dlifrali so óno stâro véšmašino – kâ se na léta mota f podromo!”
“- Si né valda nor?! Tota maš’ina je kak nóva, jer je fést ščuvana! Ja sam of tjęden zvâla Damira ka jo poprâvi! Sam ręmen se ftrgel! Zamen’i i delala bo kak Singerica!”
“- Jęęę, kaj jâ vę morem?!
“- Moreš! Idi za jimi i ręči jim – naj jo vrnejo! Pa si né valda nor, ka bi f smetj’e hitili čista dobro véšmašino!?
“- !?”
Dišel sam k sósedo Hrvâtovomo Đuri, pa mo vel’im, “- Vę da pe nazâj toti kamijónček, ki je prti gori pobiral stâre aparate, ti jih zast’avi i totaj ręči – Dečki, prodajte mi toto véšmašino kâ vam je na kamijónčeko, jer dóma imam róm takšo, pa mi fal’ijo rezervni komâdi. Plâti jim, pa kaj bó – bó! Drugač bo me ova moja sprâvila s pam’eti! Ęm nębre to, kaj-ti-ja-znam-kaj košt’ati, da je hičena – pod smetj’e! A ovoj mojoj naj nika povédati.”
Tak je i bilo.
Zv’ečera sam išel z tâčkaj g sósedo Đuri po vešmašino. Pitam Đuro “- Kak je bilo?”
Đura vel’i, “- Rękel je pet stotki! … Jerbo – da je mašina kak nóva i jâko dobro ščuvana, da jo tre sam malo pošlihtati i da bo delala kak Singerica! I, dâl sam mo pet stotki!”
I ka boš vę?! – Na, tu ti je! I mašina je pâk bila f podromo.
Za štiri dni je dojšel Damir, mašinač, šteroga je žęna zvâla – ka poprâvi toto véšmašino. Otpral jo je i – zapral! Rękel je da to nič ne vala, da se to nębre i ne splat’i popr’avlati i da jo mirne duše moremo hititi f smetj’e!
Vę čąkam da bo se pâk pęlal béli kamijónček po vulici i ka bo kričal – “…- Stare tilivizore, vešmašine, kompjutore, frižidere, aparate … “, ka dlifrajo toto našo – “Singerico”! (Ja)
