Kaj vam naj velim, jo manikenka?… pitala me jena moja faj pajdašica če bi se jo štela poslikati f jenaj kiklaj, kak tobož malo jakša žena!? Ka bi nej žene vidle kak to zgledi na jakšišoj ženi, z ceckima i ritjom…. pa sem si mislila, „ajd“… em pa me rono nika ne košta… nej žene vidijo kak to na jakšoj ženi stoji, ne sam na grintama (bez vređaja vi mršave)…
Jezoš meni, to so vam takove pripreme, tulko skokaja… mom od zarana pod haubo k frizerki… tam trmiš več kak jeno vuro…. odnod več moraš leteti na fasodo (šminkaje)…. eee, tam te isto vuro vremena sediš na stolco dok te šminkajo… neznaš kak bi dihav jer ti je šminkerica vu faco nabita, a nej rada ka bo čula ka ti z lampe po kovi dehne… i ve ona prepoveda, spitovle, a jo sam mrmram črez zaprto lampo, „mhmmm“…
Če ste da štera bile na lorfajo, onda znote kak to ide… podloge jeno tri forme, za brodo, nos i čelo… nadloge isto…. tri vrste pudri… tekuči, malo meje tekuči, pa te nazodje f proho… ve već niti da očem nebrem nika lojati, jer me od tulke fasode bogme se tristam vrogo skup vleče…… te dok naflocka te se podloge, nadloge, konture i kaj još drugoga, prejde na belojke (oči)… tu se onda zadrži jen čos, macka sem, macka tam, ve zapri, ve opri oči… ve gledi f of kot, ve f on… o da ti …! Sem jo medzmes prosila če mi duplično brodo more nalorfati ka se neu tak vidla…. bogme je mom cena zrosla, jer je kvadratura vekša…
Imam jo ove nasajene flance trepavici… al nakeli mej ona još jene na ove moje… bogme sem koma oči tprla, a dok sem jih tprla, sem propuha žnjimi delala!!! Jaj kak sem si faj! Sam se gledim f špegel… mobitel stolno f roki, ka drapnem selfije ze sih koti, jer što zno da bom po tak faj zgledala!… odma sliko na fejzbuke, instagrame, tvitere ka se lajki naberejo… ve sem lepa, ve bojo me lajkali…. heheh… če po istini povem, već pre frizerki sem lačna bila… do ove ka šminka mje več naglos krolilo, komaj sem čekala ka zgotovi pa ka si bureka kupim… onoga masnišega, ka se faj po guto posajkne…
Hjaj, mom sem bila kak na drogaj kakovaj, gdaj sem zagrizla… em pa to so ne istine, kak je mej malo za veselje tre… masni burek sirom…. i nišči srečnejši od mene! Je, posle bureka mi strašno rado cukor podne, pa si te mom pre peko zemem i dvo fojke filane z pekmazom i čokolodom, jerbo kaj je jen fojek?… nek bojo za sako sigurnost dvo… i jo te za sako sigurnost ka se ne pokvori, ili pa ftrdne bedvo pojem… bogme kak ve jo to tipkam, tak mi odma kroli…
Pelamo se na mesto de se bo slikalo… ve sam se nagvatala, i šečere namirila, ve sem pa žejna….. i kaj pa, odma začas, kak sem se napila, scot!…. o muka moja… ve rom scot!! Tiskam, tiskam, jer me ftroga iti ve to se stezno z sebe sločit… kaj moj mehur zno da jo imam celo ratno spremo na sebi?!… stezne gače do pod cecki potegjene, stezne štrample za seenset kuni ka si komaj blečeš, isto nategneš do pod cecki… te se ne vupam prignoti, jer če se prignem se bo mi kvrogo doli k popko zlezlo i narulilo se… bodija šeroga si moram med nogami skapčiti, si komaj nategnem… nekši se skrčiv vrog od jeseni… zevlečem se jo i vuti bodi ka sem na sedemnojst rati zela f lisci… i se prek stezni goč i najlomki potegnem, zemem si zroka i onda se prignem narohoma ka si zakapčim med nogaj, i počnem nazoj dihati…. i ve ti hoj scot!!!
Tak sem se stegnula kaj bi nej menša i drobniša bila, ka mi je na momente na zgibaj de me tiskalo krvotok prestav cerkolerati…. al ne bitno, sem si nekak drobniše zgledala, pa sem magadila… sem se nej sam jo slikala, so došle i dve pucke, nedonoščad (kaj se nej nedaj bog nahilile)…. trdestštiri veličina…. omg, a jo česštiri…. momentalno sem se osječala ugroženo med jimi i za utjeho sem si još jenoga fojka pojela… sločimo se to, obločimo… gledim jo, kak su drobne… kak jo imam pun kup cecki, a one samoga grudnjaka. Ljudi moji, ne vam je lefko biti manikenka…
No, sem si nej premislila, da je ne sam slika z prvo strojko… slikav je toti dečec z aparatom i zodje stroni… o da ti …, “sem hoj ka vidim“ sem mo rekla, pokože on meni ves prestrošeni…. a na sliki maskota mišelina (to je on rugani debeli ka gumje predstovla f mišelinu)… pa tak sem se stegnula vu se stezno, ka so mi na hrptiščo jeno troji cecki skočili… tak sem mela jene cecke z prve strojke, a troje na hrpto… reko, “nej me već zodje strojke slikati“…. sam s prve!…. tri pot smo se preslekle, kresnoli smo jenopor sliki, i kaj, već je pok pomali glod pre riti…. bogme nebreš na prozen želodec delati…. bor jo nebrem!…
Pauza, najlepši del slikanja…. kak je i red gdaj se naješ nemreš najempot nazoj f posel, malo si je tre dehnuti…. na salo nabrati…. komaj sem se zvlekla od stola, sa postelijaf i se stezno ka sam mela na sebi mi je k popko zlezlo…. sem se malo raskomotila, pa me je te pajdašica jena malo naravnala… porinoti je morala roke spod mojega pazduha f bodi ka je zahačila gače i najlomke, pa ka me malo te nategla nazoj…. komaj me naravnala…. no vender je minulo … komaj sem čekala ka si se to stezno slečem i ka počnem normalno dihati…. tak efo, ka bote znale da je nej lefko biti manikenka… muka vam je to…idem, lačna sem pok!
Srečem vam 8. Mart žene!!!…. i muški šteri se osječate kak žensko!Želim vam simaj dugo, trdo i debelo!!! Živele žene naših muževa!
…lepo vas pozdrovla vaša mišelin NPŽKŠ, z Frošćana…
