Stolno si želejem …

… kak puckica, sem si najbole želela Barbike, se fele… z autom, z motorm, z hižom, cojkaj za so godišnja doba… se moje pajdašice po školi i pajdašije po rodbinskaj vezaj so mele bolše… dok sem jo dobila barbiko, one so mele i hiže i motore kcoj k barbiki… to je on res de bi saki odrasli rekev „pre sosedo je naveke se bilo bolše“… naveke sem kesnila: jo bebo z plastičnaj nogaj, one z nogaj kaj se sučeju… jo provo bebo kaj se noge sučeju i sam f badekostimo(jer je ova f princezinoj halini koštala obavezno najmeje dvjesto kuni već od ove f badeko), one motora i bebo, jo i dale bebo (golo, jer sam badeka zapravila već drugi den), one hižo i bebo… jo hižo i storo bebo, one hižo na pet katof, dve bebe (z črnaj losaj i z belaj) i kena… jo i dale storo bebo (štero sam obavezno ošišala kaj je k tifusaro slična bila)…..i tak se mi je kak pucki celi svet vrtev koli barbiki…

…do sem malo zrosla i, kakti f nekakof pubertet vušla, i piščaje natiskovala (kak ve moja pucka tiska), onda sam si želela pudere i mejk apa kaj kakovoga… i tak sem se drobno (mislim na železne peneze) kaj se de kuturalo po hiži „usisavala“ dok sam nej nasisala dvanojst kuni kulko je negda koštav on najprostiši puder ,on „ karol kostans“! …biv je on štacun polek negdašjega Kozjaka f Nedelišćo „ se po dvanojst kuni“ zmislim se….. tam sam fletno kupila za nasisane peneze pudra f kameno (ga ne bilo teh si feli podlogi, nadlogi, konturi i ostaloga) kaj sem se kalamajzala po pišćajaj… tak sem si jo to znala natufkati ka me skup vleklo i zgledala sam bledo kak da bom se saki čas vruhnola, al ne bitno jo sam mislila da je rom to ono kaj si želejem vutom času!

…te posle kak puci već, mje bilo bitno ka bom mela za kovo pre meši (čitaj za k Martinu za vreme meše)….(moralo mje od sobote ostati)….jer če mje ne od sobote ostalo, sem bila prisilena k meši iti i kre bake na korošo popevati i naglos moliti… strahovitni so to bili dnevi… želeješ si kaj ti ostalo teh pet kuni, al nekak mje retko da uspelo… če sam f soboto japi rezala nofte na nogaj prije diskača, onda mje on pošturnov dvajst kuni, a sreča je bila vekša dok je ne mev drobne pa mje dov pedeset (al ka bo mi i za drugo soboto ostalo, mje znav reči) (jahahahaaasnoooo da mje ostalo)… sem drugo nedelo pre meši bila… sikakove stvori sem si želela…

…ve, kak žena i gazdarica vu svoji hiži za štero spločam kredita još dvajst dve leti (osem smo več splatili), sem si strahovitno želela novo kuhjo z Đurđom (to je moja perilica za posodo, upoznajte se Đurđa-ljudi,ljudi-Đurđa)… i auta kaj ne troši benzina za sto kuni za jempot f čakovec i jempot dimo… zemeš kredita na dvanojst let (dve sam več splatila), posodiš pre storcaj ostalo kaj ti još fali i želja mi se ostvarila…

… dok sem znači bila mala, so mi kupili, kakovu takovu bebu, al so mi kupili…. dok sem malo zrosla sem usisavala železne če je što de kaj staviv… ve pa denes zemem kredita i šlus… saki mesec flučneš za rato, ak ne flučneš te zoveju z banke i tak f krug… ve gdaj imam i Đurđo i auta kaj meje troši, ve si želejem bor šest jednokih kupici f kuhji, akropalove globoke tejere (plitkih imam šest ,a globoke sam dvo), želejem si i šalice za kovo, jerbo imam od sake gustuvajske garniture po dve, a niti jena z nitijenom ne paše… štamperline ne nucam, to zoto imam… gdaj se zberete i kupite mi nešči neka od toga sega (nebrem več na kredit jer mi nedajo, veliju „ neste kreditno sposobni“) te slobono dojdete k mej vu novo kuhjo (već je ve nej nova) i na kuhinjski šank bom dela škreblico za donacijo za nove Mađarske zobe, jerbo to je ono kaj si po novem želejem… štela bi kaj bi bili pol pol…pol za cmuliti pol, pa za kosati… furt si nekaj želejem,a vi?

…neznam kaj bo posle Mađarskeh zobof na redo, al najbrž neka skromno kak i do ve f životo…al z obzirom da nesem več kreditno sposobna i mama mi več neče posoditi (jer sam još dužna za auto i kuhjo), najbrž bom ostola neostvarenih želji!!….

Lepo vas pozdrovla kreditno nesposobna NPŽKŠ z svoje kuhje!!!

Ps-znači