Najfal’eše kur’ilo!

Đura i pajdâši so se zišli ón tjęden f pondélek na jutrešji žganici. Đura jim je govoril:

“- Dečki, céne energenti so pononorele! Več se namo mogli greti s plinom. Podražil se je duplik. Z naftom je takâj tak. Treba je nekaj zmisliti! – Jâ sam si premišlâval ka mi preostâja jedino ka obrnem – na drva! – Imam v Lukâčovim kóto tristo klaftri šume ka je Sida herbala po svojomo japi. Jâ mislim da je vę vréme ka si podęrem pâr klaftri drv za kur’ilo! Čé mi vi pomorete, morem si réšiti kurj’avo v dvâ dni za ovo zimo, a morebiti i za drugo!”

Kaj se tiče pomoči, dečki so mo rękli da ga ga né problema. Đura jim je povédal dale:

“- Kaj velite!? – Zutra bi mogli iti! Jâ praf točno nęznam męje, ali to je né važno! Naj važniše je ka f šumi na svojim postoj’iš! A onda okóli pod’iraš – kak ti paše! – Do pólneva podęremo i naklâdnemo jęno prikolico! – Dosta so mi dvâ dobri pomagâči! …Žago imam, sek’iro nabrusim, prikolica čâka … Jâ bom zel dva korâke Mihaličovoga jegera, dvâ litre svojega i zutra v jutro idemo! – Može?”

Dečki so se složili i obęčali.

Dojšli so mo f tork v jutro i Pepi i Drago i Fęri. Đura je s traktorom postâl na svojemo réso. Podirali so i naklâdali. Né je išlo nalęfkoma! – Da so prva stebla naklâdali, Fęrija je vrezalo, a Drago si je nategel žilo na nogi. Ali dok se delalo – se delalo. Popólne so naklâli i otpęlali dimo. Dóma pre Đuri so si spili špricare i rezišli se.

Da so se reshâjali, Đura jim je rękel.

“- Dečki, zutra bi trebal samo dvâ spametne dobrovolce ka tote sohe i stebla zréžemo na meter i sklâdnemo f klafter. Gacijo bo treba odma zežagati vu furke jer se gacija móra zeléna cépati. A ovo drugo se more sklajeno suš’iti, pa jęmpot kesn’eše to zežâgamo!”

S’i tri so mo obęčali ka bodo mo dojšli pomâgat.

Drugo jutro Đura se je stal zarana. Čakal je dečke.

Zazvónil je telefón. Sida je išla na telefón. Onda je Đuri povédala:

“- Zvâl je Fęri. Jâvla ka ga je fčęra vrezalo i ka ti nębre dójti pomâgat!”

Đura je zmâhnl na to:

“- Néma veze! – Dosta so mi dvâ dečki dénes i mi to zežâgamo!”

Te je za pól vure pâk zazvónil telefon! – Sida je zdigla slušalico. Potli je povédala Đuri:

“- Čuj, zvâl je Drago! – Veli’i da si je fčęra nategel nogo tak ka nębre hod’iti, pa ti…”

Đura je zmâhnol Sidi:

“- Znám kaj! – Né važno! – Dosta so mi dvâ dobri dečki i sę se to réši! – Čę dójde Pepi, išče jęnoga najlęži nâjdemo! – Opče je né važno…”

Za pól vure je nešči zazvónil na vrâtaj. Sida se odžurila otpirat. Od vrât je kričala Đuri:

“- Đura dojšli so dvâ dečki! – Tębe iščejo…”