Jo gledim jega, on gledi mene…

Sedimo moja kova i jo pre laptopo i gledimo se…. jo gledim laptopa, laptop gledi mene… i tak se mi gledimo… jutro je, joko je jutro… zarom joko, još je se tiho vuni i trda kmica… sem se stola kaj bi nej napisala kakovu rečku za četrtkovo čitaje… zvoni vura f tri i dvajst, komaj preglednem, al kaj bom, moram se stati i napisati neka, četrtek je…. sedim pet minot na posteli zaprtimi oči, toboš si jemlem zaleta za stati, a sam nikak genuti….n o vender bog, zemem zaleta i hop!…. skočim s postele, a nazodje se koma vlečem do kopaone…. konjski zalet -picekof šut!… prvo zasednem na školjko, i još si malo te predremem dok čekam če bo kaj il nebo…. uglavnom se sam poščim, al sedim dvajst minot još te, kaj jo scedim i pok si zemem zaleta za dale….

Dok sem f kupaoni, usput zemem veša vum z vešmašine i još jenoga hitim prot…. hmijem se, i zglednem f špiglo kak sem se faj sa ausvinklin zaležola… losi so mi kak da bi me što s šoflom z leve strojke flisnov, a na desno sam nataperana kak tina tarner…. zemem češla, namočim pod pipom i pokušovlem to nesnogo f glovi rasčesati…. nikud nikam…. voda mi tijam za goler teče kak sem namočila češla kaj se poravnam, al nikud nikam, antene sam stojiju… prokleti losi… z jeno strojko zaližem, z drugo strojko antene skočijo… uspem nekak naložiti… sam s prve strojke uglavnom…. ozoj ne vidim, pa me ne brige! Frizerki nej bo na sramoto…

Već sem pol vure f kopaoni… a stopram sem si losi naravnala, poscola se i veša prot dela… slečem piđamo, i iščem kam sam grudnjaka dela, kaj si kože pospravim, em pa nemrem takova med ljude… moram si grudnjaka bleči ka si zobe morem oprati, jer če si ne blečem, te mi cecki f umivaonik podnejo, pa se pojimi polevlem… naheleznem grudnjaka, zemem kefico stisnem kaladonta komaj i komaj jer je rom nekša zodja najga i horam klehe i gledim kak je krastavi umivaonik… se poflučkano od fčerošjega proja zobi…. taman se črez noč skorilo i zasušilo…. z jenom rokom hrdam klehe, z drugom horam umivaonika,onak usput…. jesam, vredila sam se, blekla, umivaonik je spreman za možovo podbrivaje i skeljeno kosmačiju, i za novo keleje kaladonta!….

Zlezem f kuhjo, bogme več je četiri vure…. iščem đezvo… denem vodo za kovo, i usput z moje đurđe zvadim posodo ka sem fčera prije nej sem iša spot nadevala za prot…. taman dok jo to zvadim, voda počne vreti… zakuham i vlečem šalico z grdenca, i med tem mi naravno kova skepi po celomo šporhoto….. dela sam kuhat za jeno šalico, a skipelo je za tri šalice…. kunem mater i se po redo…. zemem pralo ka shoram šporhota…. prokleti soc, sam se liči….

Eh! Pol vure sem budna i več sem se i nadelala i razjebala…. sem ščera zela hrgo vum z škrije, ka se odmrzne za denes, pa kak je topliše nutri se lepo se scejal po visečomo, i načvapkalo mi tijam po podo…. kad sem hurma zobla deti f rajnglo, sam sem dela na visečo, i tak stavila nej se odmrzovle, ve pa si nej ližem to…. zemem pralo, se je od soca još…. sedem pot splovim pod pipiom toga soca, a vrog se sam drži…. pobrišem zot nekak…. ve dok sem osem stvori već naprajila od gdaj sem preluknula, idem denem dinstat neka za črez den za lačna usta afrike, pa si te sedem k laptopo ka neka naškrobam prije neg idem vu veštert (na posel)… đurđa pere novo rundo, saft se dinsta…. celo stoje ima duho po luko… a i jo sem se sa navzela!… bom se razluftala!

Idem konačno si sedem, kova kre mene, vu joj su se skozae nekakove čudne kak oči… neznam, najbrž me nešči gledi….. vužgem škrebetalo…. treba mo devetnojst minot ka se vužge, pa te još jeno sedem ka programa za pisati otpre…. hopim se…. napišem tri rede, i BATERJA PRAZNA ! SPOJITE PUNJAČ!…. o da ti krista, pa rom se kaj f roke primem je falingasto…. se bi to još bilo vredo, da bi jo znala de je punjoč! Vječito iščemo punjoče….. nadignem se f blagavaoni i dnevni… nega… idem k pucki f sobo, jer tam je fčera biv laptop… vužgem svetlo, ona ne trza… zmočena je žena, ipak je dve sezone serije do f noč gledala…. gledim de je punjoč…. na stolo tri lončeki, od ščera, prekščera, i najbrž of z mustočaj od prošloga tjedna… kup knjigi za školo na stolo, kaj da bi se za doktora vučila, na knjigaj škotla z šminkerajom….

Mom polek knjigi na stolu tajice i majca kaj si je ščera slekla….. na stolcu kup celotjedne kolekcije cojki… kak gezdo… nadiguvlem se… nigdi punjoča…. zemem te tri lončeke i dnesem doli f kuhjo, pa idem još jempot glet za punjoč…. no te vender bog sem našla pod hlačaj, kre nogonice je vum stov… i evo me službeno je pet vur i več sem se hapila…. zevlem kak nilski koj, jer sem se več nadelala i mogla bi komotno iti nazoj spot, gezdo je mortik još toplo! Jeh,al posel zove…. Nataša je več fčera pitala gdaj bo jena kikla barajt…. zoto idem dogotovim ovo četrtkovo čitaje i gas šivat, ka neka skaseram….

Dobro jutro drogi moji, dober dan i dober večer…. tak ka bote znali da četrtkovo čitaje ne skoči smomo z laptopa, če ne napišem od četrtka do srede, je onda se moram stati joko zarom f četrtek ka oddelam posel…. nekak sem se zdojšla z pisajom…. ve ili mi se ne dogođajo zanimljive stvori, ili sem se potrošila? Slobono mi malo pomorete za drugi četrtek, i mi velite kaj bi nej od zanimljivih temi prešla…. malo me sam trej zmisliti, i onda somo gene!… idem šivat, dosta plandovaja!

….za četrtkovo čitaje, Vaša Ne prekidaj ženu kad šuti!