… od hiže sem odišla jerbo nej mogla z mojom Šteficom… smo preveč iste, i mom bi se sposvadile koli kuhje i posode i sega… (misli ona da či je starejša da se zno) … k punici niti za nikaj … moj mouž i jo bi f kartonsko škotlo najroj … nej bomo meli svojega mira … i tak je te i bilo, nit k moji Štefici, nit k punici… podstanori smo odlučili biti… somi svoji gazdi!!!
… kak smo mom po gustuvajo zaštrenknuli dete, sem ostola doma na čuvaju trudnoče… mi smo to odma koštali če bomo znali napraviti, i kaj… gosti materjol, jo friška, mloda i odma se to frošćansko semeje zaletelo f centar… kak sem te jo to doma bila, a mouž na posel, sem kuhala svojemo možeko kaj kakove „finote“… negda je i za gablec zno dimo doleteti i nabojnglati se… negda je nej ftego pa je bilo več časa za skuhovaje… mela sem celo dopolne za zmišluvaje menija… bilo ga to sakojački kombinaciji… al ka bom rekla, vučila sam se… nekšega vroga me moja štefica nafčila, al drugač je to gdaj si ti kre mame f kuhji, pa ona kuha se po pameti, a tebi se to strahovitno prosto za napraviti vidi…
… i ve jo gazdarica, lepo kuuuhhhaamm… premislila sam si, da bo denes rizi bizi… i ve jo to se faj hitim luka, meso na kockice, grošiča i mrkvo, petrožola, i dinstam… polek f rajnglico siplem nisko buđetno rižo, zalejem z vodom , posolim i denem kuhat… brnem se fkrej, ti bokca pa puna rajngla riže… presiplem vu vekšo rajnglo rižo, dolejem z vodom, pa se kuha… za tri minote je i ta rajngla bila puna, a riža ne kuhana… Je nika, zela sam zepterovo najvekšo i presipala i zaljola… riže ga bilo za dve cigans… ups ovaj kineske familije nahroniti, i još bi jim za drugi den ostalo… jerbo , jo sem dela kuhat za nas dvo kile riže… soma sej sem se smijola, dok sem skužila da se tej vrog od riže napuhne (sem ne znala) (ve- znom)…
…pa te pok, drogoč gdaj sem se šniclinimi štela skozati… sem jo to lepo nasolila, nasemfala, češjaka… nej bo fino saftno… vura kože mož bo dimo dojšo, idem ve jo to hitim na moščo… bročam jo te šnicline… sam nikak nečejo biti mefki… sam so kvrogo trdi…kaj da velim, nesem se skozala kak nekakova masteršef kuharica… al moj mož mene tak rada mev kaj je nasilo gutav te moje šniclin potplate… (dobro ka ima dobre zobe)…
…bilo je tu još sakojačkih dogodvštini… meli smo i bistro juho na kuglice… sam se mje nekak retka vidla, pa sam nametala krpice, nej bo malo gostiša, moj mož ima rada takšo rom… dela na stol juho… malo je još odstola i gdaj smo si seli k stolu smo si saki deli dve kuglice bistre juhe!…. (bor smo se najeli)… na kuglice smo još jeli i gresa(več pot)… mislim da za to još den denes neznam mero…
… oooo, bilo je tu i poslastičorski tehniki… največ sam ono prosto rolodo z pekmazom znala zasuknoti… to je rad jev… mikser zmeša, jo pretankam vu protvan i podurknem f kohlo… črez por minot, nekše čudne duhe dohojajo z kohle, poluknem jo, i imam kaj videti… nesem protvana na iste tračnice podurknula… i tak je moja roloda z jeno strojko bila finoooo črno pržena, a z drugo strojko so se čupafci mogli zasuknuti, ka bom pa ve gdaj je tak zateklo kak sem jo zateknula…
… več ve kak sem Frošćano sem se zvučila, itak imam več nekakovoga staža kak gazdarica… i bilo ga dost rehi f škriji, a i maka sam našla i odlučila sem se bakine zdigane probati… pa to saki zno (sam si jo mislila)… zovem bako po mami ka mi pove kak to ide… vele mej baka „Tanjika, deneš kak ti prosi ovoga, pa kak ti prosi onoga, i onda mesiš… deni si rajnglo f krilo i lampori z rokam tak dugo dok ti se neju mahuri napuhovali s testa, te ti je gotovo“… jo si se lepo pišem… te mi je rekla „dok se zdigne, premesi“… se sem jo to bako po mami posluhnula, prepravila fila makovoga i rehovoga… i rekla mi je jošče baka, dok zasuknem i denem f protvan, nej malo još počinem te koloča i nej s krpom pokrijem… uglavnom, očem vam povedati… tak sem se veselila taj koločaj, da ah… se sem napravila i pokrila s krpom nej se počinejo malo još koloči, toboš lepši bojo… porinem f kohlo i didem k televiziji…
…poglednem črez pet minot, je bogme sem mela kaj videti, moj zdigani se zapraf zdigev… zdigev se je se prek garici od protvana i počev je preti rešetki lesi… jo nora… uglavnom gdaj se spekev sam ga ne mogla s kohle zeti jer se gad za rešetko zapekev i to ze sih štiri strojki… tak sem ga te zela z rešetkom vum… ovi moji so se sporastepli od smeha… šteta je bilo hititi pa smo te ovo kaj je vum gabariti zlezlo pojeli ovak, a ovo toboš kaj je ostalo smo žermljačo složili, neje prepalo… neznam je bilo do kvosa, il sem jo predobro zamesila, al moj zdigani je bi promašaj…
…sikakovih falingi sem mela kak kuharica, nafčiš se z letaj… al još uspem zesrati neka… čovek greši i vuči se dok je žif… o posmojenome sem vam več pisala… same hamalije, heh!!
… efo, denes so bile čurke, al proklete spokale su se do jene, pa smo si z protvana sam zrje mackali….
….drogi moji lepi, rada vas ima masteršef NPŽKŠ z Frošćana!
…ps: zutra bo na lovački, što si kaj prime frižidero, a rono ga ne nekakovoga izbora… kaj me brige, nebrem se nit jo raščehnuti!!
