…zmislim se jošće kak pucka sem bila… su negdaj ne štacune delali po nedelaj, a bogme i suboto se zmislim je Jovanka f negdašjemu Trgocentro do dvanojst bila… kaj si kupiv do dvanojst, si kupiv… a vječito su se miksali nekakovi koloči za vikend, “vje či to“ (zoto mje i zrosla ta duplična broda)…
…samo dogodilo se, ka nam je rono f pol tri sfailo jeno jejci, ili dve žlice cukora, za f kremače… jeh, me bogme mama najurila k sosedo prosit… idem jo, „din don“ (soseda usisavle) subota je pa su si f čiščeju i tak to… „mama me poslala po jeno jejce ak imate?“ navek je teta dola dov-tri, kapa če bo tre… ili ak je cukora sfalilo, mje te ne sipala dve žlice, neg je pol kile nagrabila, pa je te bilo dost bogme i do srede je ne trebalo iti kupuvat…al gdaj su koloči ftrdnuli, prvo me mama najurila „na, nesi sosedi ka koštajo“ (toboš ka se kak refondera poradi jejci ili cukora).
…f nedelo ,odvečer če je japa kakove goste naručiv, a mama je ne znala, sem obavezno letela po radajnera za gemišt koli sosedof… jer je doma bilo sam pol litra i to nekša razluftana… ….mje nekak to i denes dok sem soma gazdarica ostalo f naviki… samo ve štacuni delaju i sobote i nedele, i mje ne davko do jega iti, al nekak ti je bole iti k sosedo… jer če pem f štacun, nem kupila sam margarina šteri je sfaliv neg i devet drugih artiklini… tak da mje bole k sosedo se zaleteti…moraš si biti zdobra sakom strojkom, z levim sosedom, desnim, i bor z dvo prek pota, jer če jen nema, te ideš k drugomo….
Ve jo tak letim on den po dve žlice hajdinske kaše, mje rono sfalilo za zgotoviti beda, jeh, mje sosed nasipav hajd f posodo (kaj on zno ka se to napuhne), tak ka ve jen čos imam… pa te on den mje za „đurđo“ (to je moja peračica posode) sfalila ona “sve u jedan” tableta kaj bi nej posodo prot dela, pa reko idem prosit, jenu k sosedi (ovoj šteroj znom da naveke ima), usput pre joj spijem kovo (jer je rono skuhala), pojem pol kile krašovih napolitanki (kapa je dela na stol) i do ona mej onak kaj f šaku zide tableti (oooooo, si mislim, pok sam celi tjeden odbrige)…
… je bogme a gdaj pa kova pre hiži sfali, eeee, to je zlo!!! … nebreš vjutro f peti vuri sosedi dropati po vrotimi za dve-tri žličke kove (ljudi spiju)… Eeeee, vrhunac mi je, a verjem da se to i pre vam dogodi, gda šekret papera nega… smateer, mej se tlaki momentalno spojiju, jer navek dok si jo zasednem, te ga nega… je rono onda ne zgodno iti k sosedo… tak je ve mej jena moja pajdašica po hormastočami, dok je bila pre me…, išla ona scot, jer jo vječito tiska i v zodjem zovojo je gdaj doleti… i evo ti zodja rola…. zbavi ona, i lepo rastegne to kaj je ostalo i gori mi s penkalom napiše „zodja rola“ „ka neš rekla da sam ti ne rekla“.
…uglavnom, sem štela reči, dobro je biti si dober ze sakim sosedom, jer viš nikdr neznaš kaj bo ti sfailo, i kulko boš prešparav ak neš išo f štacun…
… nejte ljudi po nedelami f štacune iti, roj se k sosedo zabežite, tam te i kovo dobiš, i napolitanke, i ak je kaj za česa soseda mort so već i koloči ftrdnuli, pa kornere za koštati nareže!!!
…lepi pozdrav z Frošćana od NPŽKŠ!
